مەملەكەت باسشىسى نۇرسۇلتان نازارباەۆتىڭ توراعالىعىمەن بىرىككەن ۇلتتار ۇيىمى قاۋىپسىزدىك كەڭەسىنىڭ وتىرىسى باستالدى. بۇۇ قاۋىپسىزدىك كەڭەسىنىڭ ءماجىلىسى «جاپپاي قىرىپ-جوياتىن قارۋدى تاراتپاۋ: شارالار مەن سەنىم» دەگەن تاقىرىپپەن ءوتىپ جاتىر. دەباتتا قىرىپ-جويۋ قارۋىن تاراتپاۋدىڭ ماڭىزدى ماسەلەلەرى قوزعالۋدا. يرانمەن يادرولىق مامىلەنىڭ ورىندالماۋى الاڭداتارلىق احۋالعا اينالادى, دەپ مالىمدەدى جيىندا مالىمدەمە جاساعان رەسەي سىرتقى ىستەر ءمينيسترى سەرگەي لاۆروۆ.
- «التىلىق توبىنىڭ» ءبىر مۇشەسى كىناسىنەن يراننىڭ يادرولىق باعدارلاماسى توڭىرەگىندەگى جاعدايدى رەتتەۋ جونىندەگى جان-جاقتى قامتىلعان بىرلەسكەن ءىس-قيمىلدار جوسپارىنىڭ ورىندالماۋى الاڭداۋشىلىق تۋعىزادى, سونىڭ ىشىندە كورەيا حالىقتىق-دەموكراتيالىق رەسپۋبليكاسى ماسەلەسىن شەشۋدە. «5+1» توبىنىڭ ءبىر قاتىسۋشىسىنىڭ كىناسىنەن جقبىج ورىندالماۋى كورەيا جارتىتۇبەگىندەگى يادرولىق ماسەلەلەردى رەتتەۋ كەلەشەگىمەن بىرگە حالىقارالىق قاۋىپسىزدىك ارحيتەكتۋراسى ءۇشىن الاڭداتارلىق احۋالعا اينالادى», - دەدى سەرگەي لاۆروۆ بۇۇ قاۋىپسىزدىك كەڭەسىنىڭ ماجىلىسىندە.
سونىمەن بىرگە ول يرانمەن يادرولىق مامىلەنى ورنىقتى دامىتۋ ءۇشىن ماسكەۋدىڭ كۇش بىرىكتىرۋگە شاقىراتىندىعىن ءارى بىرىككەن ۇلتتار ۇيىمى قاۋىپسىزدىك كەڭەسى جان-جاقتى قامتىلعان بىرلەسكەن ءىس-قيمىلدار جوسپارىنىڭ ورىندالۋىن ءوز جاۋاپكەرشىلىگىنە الاتىندىعىن اتادى.